ქართველი ფეხბურთელების კომენტარები ესპანეთთან მარცხის შემდეგ

საქართველოს ნაკრების ფეხბურთელებმა მსოფლიო ჩემპიონატის საკვალიფიკაციო ეტაპზე გამართული მატჩი შეაფასეს, სადაც ესპანეთთან 2:0 დამარცხდნენ.

ოთარ კიტეიშვილი: "გვინდოდა რომ კონტრშეტევებზე აგვეგო თამაში და მეტოქე შეგვეწუხებინა, თუმცა ვერ შევძელით. მამარდაშვილმა მნიშვნელოვანი ბურთები მოიგერია. სხვა არაფერი დაგვრჩენია, თურქეთთან თამაშისთვის უნდა მოვემზადოთ, რომელიც ჯგუფის მთავარი მატჩი იქნება. აუცილებელია, რომ სწორად დაგეგმილად შევარჩიოთ ყველაფერი თურქეთთან თამაშისთვის. წინა თამაშიც უნდა გავაანალიზოთ და სრულ მზადყოფნაში შევხვდეთ მატჩს"

ანზორ მექვაბიშვილი: "ყველამ ვიცით, რომ ესპანეთი ძლიერი ნაკრებია და მომენტები ექნებოდათ, ჩვენ კი უკეთ თამაში შეგვეძლო. ყველაზე მნიშვნელოვანი ისაა, რომ ეს თამაში დავივიწყოთ და თურქეთთან მატჩზე ვიფიქროთ. პედრი? - ის ერთ-ერთი საუკეთესო ნახევარმცველია, ვის წინააღმდეგაც მითამაშია"

საბა გოგლიჩიძე: "ძალიან ცუდი თამაში იყო, თუმცა მნიშვნელოვანია, რომ 2:0-ის შემდეგ, დაცვაში კონცეტრაცია არ დავკარგეთ. დღეიდანვე თურქეთთან მატჩზე უნდა გადავერთვოთ, იქ უნდა ჩავიდეთ და საუკეთესო თამაში ვაჩვენოთ საქართველოს ისტორიაში. ამის გაკეთება რწმენის ხარჯზე შეგვიძლია. საქართველოს ნაკრები ვართ, თურქეთზე არანაკლებ ძლიერები და თუ მაქსიმუმს დავდებთ, შედეგს მივაღწევთ"

შეგახსენებთ, რომ თურქეთისა და საქართველოს ნაკრებების დაპირისპირება 14 ოქტომბერს შედგება.