ავტორიზაცია
ქართველმა ფეხბურთელებმა ფარერებთან მატჩის შემდეგ კომენტარები გააკეთეს
ფარერებთან მატჩის შემდეგ, ქართველმა ფეხბურთელებმა საინტერესო კომენატარები გააკეთეს.
გიორგი გაგნიძე: "სასწაული ემოციაა და ძალიან რთულია იმ ემოციის გადმოცემა, რაც ნაკრებში სადებიუტი თამაშისგან მივიღე. ძალიან ბედნიერი ვარ. თანაგუნდელებმა თამაშის წინ რჩევები მომცეს და მითხრეს, რომ თავისუფლად მეთამაშა და არ დავძაბულიყავი. ვილი სანიოლმა მითხრა, რომ შანსი მომეცა და უნდა გამომეყენებინა. ველოდით, რომ რთული თამაში იქნებოდა. დაცვაში თავს ოეგანიზებულად იცავდნენ. სასიამოვნოა, რომ გავიმარჯვეთ."
გიორგი ლორია: "17 წლით ნაკრების მაისურის ტარება ძალიან მძიმეა, მაგრამ ეს გზა სუფთა გულით გავიარე და ყველას ვანახე, რომ შრომით ყველაფერი ფასდება. მადლიერი ვარ, რომ ამ წლების განმავლობაში ქართულ ფეხბურთში ჩემი სახელი დავტოვე. რაც ნაკრებში ვარ, სულ მესმოდა - გვეშველება რამე? როდის გავალეთ ევროპაზე? - ბედნიერი ვარ, რომ მოვესწარი იმ დროს, როცა ევროპის ჩემპიონატზე ნაკრების გასვლას მოვესწარი. ნაკრების კარი საიმედო ხელშია, რადგან მამარდას პატარაობიდან ვიცნობ და მის განვითარებაში წვლილი შეტანილი მაქვს. მას სულ ვეხმარები და როცა მამარდაა, რა თქმა უნდა, კარი საიმედოდაა."
გიორგი გველესიანი: "ფარერების ანგარიშგასაწევი მეტოქე იყო და ჩვენთვის კარგი სპარინგი გამოდგა, რადგან საქმეში ბევრი ფეხბურთელი ვნახეთ. შემდეგი მატჩი კიდევ უფრო რთული იქნება, მზადებას ვიწყებთ და იმედია, გავიმარკვებთ. დინამო არენაზე თამაში ჩემთვისაც ემოციური იყო, რადგან აქ ბოლოს 8 წლის წინ ვითამაშე. ლორიას ბავშვობიდან ვიცნობ და ყველა გზა, რაც მან გაიარა კარგად მახსოვს. ვიცი, თუ რა რთული გზა იყო ეს და ვამაყობ, რომ მისი თანაგუნდელი ვარ. ვუსურვებ ბედნიერებას ჯერ საფეხბურთო კარიერაში, შემდეგ სამომავლო მიზნებში."
საბა ხარებაშვილი: "სასწაული შეგრძნებაა და ორმაგად საპასუხისმგებლოა, როცა ასეთ პატარა ასაკში ეროვნულ ნაკრებში თამაში მიწევს. ვეცდები, ყველაფერი გავაკეთო, რათა საქართველოს წარმატება მოვუტანო. ასეთი საოცარი გრძნობა მეორედ არ მექნება. თვალწინ პატარა ბიჭი წარმომიდგა, რომელიც ეროვნულ ნაკრებში თამაშზე ოცნებობდა და ეს ოცნება ამიხდა."
საბა ლობჟანიძე: "დიდი სურვილი იყო, რომ ბევრი გოლი გაგვეტანა, მაგრამ ბოლო პერიოდში ფარერების ნაკრებს პროგრესი აქვს და ვიცოდით, რომ ადვილი თამაში არ იქნებოდა. მთავარია მოვიგეთ და ჩვემი ძმა ლორია კარგად გავაცილეთ. მისი წასვლა სამწუხაროც არის და სასიხარულოც. ერთად ბედნიერი წლები გავატარეთ. ასეთია ფეხბურთი და წარმატებებს ვუსურვებ მომავალში."
გიორგი გაგნიძე: "სასწაული ემოციაა და ძალიან რთულია იმ ემოციის გადმოცემა, რაც ნაკრებში სადებიუტი თამაშისგან მივიღე. ძალიან ბედნიერი ვარ. თანაგუნდელებმა თამაშის წინ რჩევები მომცეს და მითხრეს, რომ თავისუფლად მეთამაშა და არ დავძაბულიყავი. ვილი სანიოლმა მითხრა, რომ შანსი მომეცა და უნდა გამომეყენებინა. ველოდით, რომ რთული თამაში იქნებოდა. დაცვაში თავს ოეგანიზებულად იცავდნენ. სასიამოვნოა, რომ გავიმარჯვეთ."
