ქუთაისის ტორპედომ ლილიდან ნახევარმცველი იყიდა

თარიღი: 16 Feb 2025, 17:17

საქართველოს ეროვნული ლიგის გასული სეზონის ვიცე-ჩემპიონმა ქუთაისის "ტორპედომ" მორიგი ტრანსფერი განახორციელა.

იმერულმა კლუბმა "ლილიდან" 19 წლის ფრანგი ნახევარმცველი კისლეი ზიტა დაიმატა.

ზიტას ტრანსფერი "ტორპედომ" "ლილიდან" გამოისყიდა. როგორც ქართული კლუბის ოფიციალური "ფეიბუქ" გვერდი წერს ფრანგულ კლუბთან შეთანხმების მიხედვით, შემდეგი ტრანსფერიდან "ლილს" ეკონომიკური უფლებების 30% დარჩება.

კლუბსა და ფეხბურთელს შორის 3-წლიანი კონტრაქტი გაფორმდა.