რა ხდება ბარსელონასა და რაფაელ ლეაუს შორის?

Mundo Deportivo-ს ინფორმაციით, ბარსელონას რაფაელ ლეაუსნაირი ვარსკვლავის შეძენა სურს, რათა ლამინ იამალს ძლიერი მეწყვილე ჰყავდეს.

პორტუგალიელის ტრანსფერს დიდი გამოხმაურება მოჰყვება. თანაც, საპრეზიდენტო არჩევნები ახლოვდება და ჟოან ლაპორტამ იცის, რომ კონკურენტები მოქმედებებს იწყებენ.

ჟურნალისტ ხოსე ალვარესის ცნობით, კატალონიურ გრანდს ლეაუს ყიდვა შეუძლია. თავად ფეხბურთელს ბარსაში გადასვლა სურს და კლუბი მიმდინარე ზაფხულში ამ ტრანსფერს არ გამორიცხავს.

აღსანიშნავია, რომ რაფას აგენტი ჟორჟე მენდეშია, რომელსაც ლაპორტასთან შესანიშნავი ურთიერთობა აქვს. პირველი კონტაქტი უკვე შედგა, მაგრამ სამუშაო ჯერ კიდევ ბევრია. თუ ეს ტრანსფერი არ შედგება, ბარსელონას გეგბმა B ფედერიკო კიეზაა.

მიუხედავად ამისა, La Gazzetta dello Sport-ის თანახმად, მილანს ლეაუს გაშვების არანაირი მიზანი არ აქვს. პორტუგალიელმა იტალიურ კლუბთან ახალი კონტრაქტი ახლახან გააფორმა. "როსონერი" მინიმუმ €175 მილიონს მოითხოვს, რომ ეს ტრანსფერი საერთოდ განიხილოს. ბარსას ამ თანხის გადახდა, რა თქმა უნდა, არ შეუძლია.

ეს ნიშნავს, რომ "ლურჯ-ბროწეულისფერები" ალტერნატიულ ვარიანტებზე გადაერთვებიან. კიეზას გარდა, ბარსელონას რადარზე კინგსლი კომანიცაა.