რა ხდება რიკარდო კალაფიორის ტრანსფერის გარშემო?
![რა ხდება რიკარდო კალაფიორის ტრანსფერის გარშემო?](http://storage.goal.ge/uploads/posts/qGZd98pqafrDwuWgggh9aVObyWmEOPAy.jpg)
ფაბრიციო რომანოს ინფორმაციით, რიკარდო კალაფიორის ლონდონის არსენალში ტრანსფერზე ყველა მხარე მუშაობს.
22 წლის იტალიელი "მეთოფეთა" რიგებში გადასვლას დათანხმდა. ამასთან, ინგლისური კლუბი სატრანსფერო თანხაზე (€45-ს პლუს €5 მილიონი) ბოლონიასაც შეუთანხმდა, მაგრამ ტრანსფერი იმის გამო ფერხდება, რომ იტალიური კლუბის ხელმძღვანელობა ბაზელს (რიკარდოს ყოფილი გუნდი) ვერ უთანხმდება.
ბოლონია ამტკიცებს, რომ მათ არსენალის მიერ გადახდილი თანხიდან მეტი წილი ეკუთვნით, რადგან მიიჩნევენ, რომ კალაფიორის განვითარებაში ბევრად დიდი როლი შეასრულეს. ეს საკითხი, დიდი ალბათობით, მალე მოგვარდება.
არსენალი ბოლონიასგან დასტურს ელის, რის შემდეგაც ფეხბურთელის სამედიცინო შემოწმებას დაგეგმავს და ტრანსფერს გააოფიციალურებს.