რა პირობით მოდის ნაგელსმანი გერმანიის ნაკრებში და როდის დადასტურდება მისი დანიშვნა?

იულიან ნაგელსმანის დანიშვნა გერმანიის ნაკრებში გადაწყვეტილი ამბავია.

ფაბრიციო რომანოს ინფორმაციით, მხარეებმა პრაქტიკულად სრულ შეთანხმებას მიაღწიეს მწვრთნელთან და მის აგენტებთან.

Sport1.de წერს, რომ გერმანიის საფეხბურთო კავშირი ხვალ, ადგილობრივი დროით 12:00 საათზე (თბილისურით 14:00-ზე) ჩაატარებს პრესკონფერენციას, რომელზეც „კომიტეტის სხდომის შედეგები“ იქნება გავრცელებული.

დიდი ალბათობით, სწორედ ამ დროს დადასტურდება ნაგელსმანის დანიშვნა, რომელიც ნაკრებთან 1-წლიან კონტრაქტს გააფორმებს, ანუ გუნდს საშინაო ევრო 2024-ზე გაიყვანს და შემდეგ, წასვლა შეეძლება.