რა შემთხვევაში გახდება ბრაზილია მსოფლიო ჩემპიონი? - რომარიოს შეფასება

ლეგენდარულმა ბრაზილიელმა ფეხბურთელმა, რომარიომ 2026 წლის მსოფლიო ჩემპიონატზე ბრაზილიის ნაკრების შანსები შეაფასა.

"ბრაზილიას მსოფლიო ჩემპიონობის შანსი მხოლოდ იმ შემთხვევაში ექნება, თუ მთავარი მოქმედი გმირი ნეიმარი იქნება. 1962-ში გარინჩასთვის ვითამაშეთ, 1970-ში - პელესთვის, 1994-ში - ჩემთვის, 2002-ში კი - რონალდოსთვის. მომავალ წელს, თუ ნეიმარისთვის არ ვითამაშებთ, მუნდიალს ვერ მოვიგებთ," - განაცხადა რომარიომ.

"სელესაოს" მსოფლიო ჩემპიონატი 5-ჯერ აქვს მოგებული და რეკორდსმენია - ამაზე მეტჯერ ჩემპიონი არავინ გამხდარა, თუმცა ბრაზილიამ მუნდიალი ბოლოს 2002 წელს მოიგო.