რა შემთხვევაში გავა კიტეიშვილის შტურმი ჩემპიონთა ლიგაზე?
ავსტრიის ბუნდესლიგაში ჩემპიონის ვინაობა გარკვეულია და ეს "რედ ბულ ზალცბურგი" არის. რაც შეეხება მეორე ადგილს:
აღნიშნულ პოზიციას 33-33 ქულით იყოფენ ვენის "რაპიდი" და გრაცის "შტურმი", თუმცა დედაქალაქელები ბურთების უკეთესი ბალანსის ხარჯზე წინ არიან (61:40, 49:33).
პირველადგილოსანი ხვდება ჩემპიონთა ლიგის საკვალიფიკაციო ეტაპის პლეი-ოფში, მეორეადგილოსანი - მეორე რაუნდში, მესამეადგილოსანი კი უკვე ევროპა ლიგაზე.
როგორც ვხედავთ, ოთარ კიტეიშვილის გუნდს ჩემპიონთა ლიგაზე მოხვედრის შესაძლებლობას "თეთრ-მწვანეებთან" ბურთების უარყოფითი ბალანსი უფუჭებს.
"შავ-თეთრები" ინარჩუნებენ მეორე პოზიციაზე გასვლის შანსს და საამისოდ მათ ბოლო ტურში სჭირდებათ "ვოლფსბერგერის" დამარცხება, რომლის რიგებში ვაწყდებით კიდევ ორ ქართველს: ლუკა ლოჩოშვილსა და გურამ გიორბელიძეს.
"რაპიდი" კი თავის მხრივ ეთამაშება "ლასკ"-ს, რომელიც თავის მხრივ ჩემპიონთა ლიგაზე მოხვედრის თეორიულ შანსს აგრეთვე ინარჩუნებს.
რაც შეეხება "ვოლფსბერგერს", ამ გუნდის მაქსიმუმი კონფერენს ლიგის აკვალიფიკაციო რაუნდის ფინალი იქნება. მატჩები 22 მაისს გაიმართება.
