ავტორიზაცია

რა თანხად შეელევა ბარსელონა რონალდ არაუხოს

რა თანხად შეელევა ბარსელონა რონალდ არაუხოს
თარიღი 13 ივნ 2024, 18:54
Mundo Deportivo-ს ინფორმაციით, რონალდ არაუხოს გაყიდვა მიმდინარე ზაფხულის სატრანსფერო ფანჯარაზე ბარსელონას პრიორიტეტი არ იქნება, მაგრამ გააჩნია, კლუბი რამდენად სარფიან შეთავაზებებს მიიღებს.

წყაროს ცნობით, თუ კატალონიურ გრანდს ურუგვაელი ფეხბურთელის თაობაზე დაახლოებით €150 მილიონს არ შესთავაზებენ, ბარსა მას არ გაყიდის. თუმცა, ასეთი მკაცრი ფინანსური Fair Play-ს წესების ფონზე, მსგავსი თანხის ტრანსფერში გადახდის შანსი ძალიან მცირეა, თანაც ისეთი მოთამაშის სანაცვლოდ, რომელიც უშეცდომო ნამდვილად არაა.

შესაბამისად, ბარსელონა არაუხოს თაობაზე წინადადებებს ელის, მაგრამ ნაკლებად სავარაუდოა, პოტენციურმა შეთავაზებებმა €100 მილიონს გადააჭარბოს. თანაც, გავრცელებული ინფორმაციით, "ბლაუგრანას" ახალ მწვრთნელს, ჰანსი ფლიკს მომდევნო სეზონში რონალდის გუნდში ყოლა სურს.

არაუხოს ბარსელონასთან კონტრაქტი 2026 წლის 30 ივნისამდე აკავშირებს. Transfermarkt-ი მას €70 მილიონად აფასებს.