რა თქვა ლამინ იამალმა მატჩის დასრულების შემდეგ?

მატჩის მთავარი მომენტი ლამინ იამალმა შექმნა - 16 წლის ფეხბურთელმა შორეული დარტყმით ბრწყინვალე გოლი გაიტანა და მაიკ მენიოს შანსი არ დაუტოვა.

საფინალო სასტვენის შემდეგ, იამალმა კამერებთან იყვირა: "ახლა ისაუბრე, ახლა ისაუბრე."

ამასთან, აღსანიშნავია, რომ მატჩამდე ლამინმა Instagram-ზე Story განათავსა, წარწერით: "ჩუმად იმოქმედე. მხოლოდ მაშინ ისაუბრე, როცა "შამათის" თქმის დრო მოვა."

კონტექსტი იმაში მდგომარეობს, რომ შეხვედრამდე ფრანგმა ადრიან რაბიომ იამალზე ისაუბრა და განაცხადა, რომ 16 წლის ფეხბურთელს ასეთი მატჩისთვის ბევრად მეტის გაკეთება მოუწევდა და საფრანგეთი მას პრობლემებს შეუქმნიდა.