ავტორიზაცია
რა ურჩია ლიონის მწვრთნელმა გიორგი მიქაუტაძეს?
ლიონის მთავარმა მწვრთნელმა, პიერ საჟმა გიორგი მიქაუტაძეზე კრიტიკულად ისაუბრა.
"გუნდისთვის ყველა ფეხბურთელმა მაქსიმუმი უნდა გაიღოს. ჟორჟს ვუთხარი, რომ თუ 200-ჯერ ნათქვამს ვერ გაიგებს, 201-ედ გავუმეორებ. მან ყველაფერზე წინ კლუბის ინტერესები უნდა დააყენოს და თანაგუნდელებთან ერთად პრესინგი უნდა ითამაშოს. ამასთან, დაცვასაც უნდა დაეხმაროს.
ვფიქრობ, ჩემი ნათქვამი გაიგო და უკეთ ათამაშდა. ჩემი აზრით, თუ თანაგუნდელებს მეტად დაეხმარება, ძველებურად შედეგიანი გახდება. ვიცი, რომ მალე გოლების გატანას ისევ დაიწყებს," - განაცხადა ფრანგმა სპეციალისტმა.
ქართველმა ცენტრფორვარდმა მიმდინარე სეზონში 6 მატჩი ჩაატარა, მაგრამ გოლი არ გაუტანია.
