რაფინია: ასეთ მატჩებში თამაშზე ყოველთვის ვოცნებობდი

თარიღი: 24 Oct 2024, 20:05

გუშინდელ მატჩში ბარსელონას გმირმა, რაფინია ბელოლიმ, ბაიერნთან მოგების (4-1) შემდეგ, კომენტარი გააკეთა.

"ყველაზე გიჟურ ოცნებებშიც კი ვერ წარმოვიდგენდი, რომ ბარსაში ჩემი მე-100 მატჩი ასეთი იქნებოდა.

ეს მატჩი ჩემპიონთა ლიგის ფინალის დონის იყო. საკუთარი ფანების წინ ასეთი მოგება განსაკუთრებულია. ძალიან ბედნიერი ვარ. ამას სიტყვებით ვერ აღვწერ.

ეს რევანში იყო... ყველას პასუხს ვცემთ, ვინც არ გვენდობა.

განსაკუთრებული მატჩი გამოდგა, იმის გამო, რაც ბაიერნთან ადრე მოხდა... მაშინ აქ არ ვიყავი, მაგრამ ყველაფერს ვგრძნობდი, როგორც ქომაგი.

ასეთ დიდ მატჩებში თამაშსა და გუნდის მნიშვნელოვან ფეხბურთელობაზე ყოველთვის ვოცნებობდი. კლუბში მოსვლის დღიდან ამაზე ვმუშაობდი, განსაკუთრებით ამ სეზონში.

ეს ბარსელონაში ჩემი ერთ-ერთი საუკეთესო მატჩი იყო... საუკეთესო ჯერ წინაა," - განაცხადა ბრაზილიელმა.

რაფინიამ ნოიერს ჰეთ-თრიქი შეუსრულა და მატჩის საუკეთესო ფეხბურთელი გახდა.