რაჰიმ სტერლინგის რეკორდი - ის, რაც ჩემპიონთა ლიგაზე/თასზე არავის გაუკეთებია

29 წლის ფეხბურთელს აქამდე ჩემპიონთა ლიგაზე ლივერპულში, მანჩესტერ სიტისა და ჩელსის რიგებში ჰქონდა ნათამაშები, ახლა კი არსენალიც მიამატა და ერთბაშად 4 მოთამაშეს აჯობა - 3 ინგლისურ კლუბში შემდეგ ფეხბურთელებს უთამაშიათ: დევიდ ბატი (ლიდსი, ბლექბერნი, ნიუკასლი), იოსი ბენაიუნი (ლივერპული, არსენალი, ჩელსი), უილიამ გალასი (ჩელსი, არსენალი, ტოტენჰემი) და კოლო ტურე (არსენალი, მანჩესტერ სიტი, ლივერპული).

თუმცა, თუ ზოგადად ყველა ქვეყნის კლუბს ავიღებთ და არა მხოლოდ ინგლისურს, მაშინ სტერლინგს კიდევ რამდენიმე ტრანსფერი დასჭირდება, რომ ზლატან იბრაჰიმოვიჩის რეკორდი გაიმეოროს/მოხსნას - შვედ ლეგენდას ჩემპიონთა ლიგაზე 7 კლუბის მაისურით უთამაშია (აიაქსი, იუვენტუსი, ინტერი, ბარსელონა, მილანი, პარი სენ-ჟერმენი, მანჩესტერ იუნაიტედი). 6-6 კლუბში უთამაშიათ ნიკოლა ანელკასა და ხავიერ სავიოლას, 5-ში კი - პაულუ სოუზას, მირალემ პანიჩს, ფერნანდო მორიენტესს, ალვარეო მორატას, სტეფან დალმას, ჟოაუ კანსელუს, ერნან კესპოს, ბურაქ ილმაზს, ემერსონს, აქსელ ვიტსელს, ლუკა დინს, მორგან დე სანკტისს, ალექსის სანჩესს, სამუელ ეტო'ოსა და სეიდუ კეიტას.

ასევე აღსანიშნავია, რომ ზლატანს კიდევ ერთი რეკორდი უკუთვნის - მან ჩემპიონთა ლიგაზე 6 კლუბის მაისურით გაიტანა, რაც აქამდე არავის გაუკეთებია.