ავტორიზაცია
რამდენ მატჩიანი დისკვალიფიკაცია მიიღო თორნიკე ოქრიაშვილმა?
ეროვნული ლიგის მე-7 ტურის მატჩში, სადაც "გაგრა" საკუთარ მოედანზე გორის "დილას" დაუპირისპირდა და უგოლო ფრე ითამაშა, თორნიკე ოქრიაშვილი მოედნიდან გააძევეს.
ოქრიაშვილმა "დილას" მცველები ორიგინალური მოძრაობით მოატყუა, ბურთი დაკარგა და მსაჯმა ჯარიმა არ დანიშნა, რის გამოც მას სიტყვიერი შეურაცხყოფა მიაყენა.
მსაჯმა ის მოედნიდან გააძევა და როგორც GOAL.GE-სთვის არის ცნობილი, სადისციპლინო კომიტეტმა მას 3-მატჩიანი დისკვალიფიკაცია მისცა.
ოქრიაშვილმა "სამტრედიასთან" მატჩი უკვე გამოტოვა, შესაბამისად, "გაგრას" "შუქურასთან" და "სამგურალთან" მატჩებში ვერ დაეხმარება და მოედანს "თელავთან" შეხვედრაში დაუბრუნდება.
ავტორი: ბაჩო ცალუღელაშვილი
