რამდენ მატჩს გამოტოვებს ზლატან იბრაჰიმოვიჩი?

„მილანის“ 39 წლის ფორვარდი, ზლატან იბრაჰიმოვიჩი, „რომასთან“ განვლილ მატჩში დაშავდა.

შვედმა ფეხბურთელმა მოედანი 56-ე წუთზე დატოვა. როგორც Football Italia იტყობინება, ამ ტრავმის გამო ვეტერანს მინიმუმ 10 დღე გაუცდება.

შესაბამისად, იბრას „მილანის მინიმუმ 4 მატჩის გამოტოვება მოუწევს - „უდინეზესთან“, „ვერონასთან“ და „ნაპოლისთან“ სერია ა-ში და ევროპა ლიგაზე „მანჩესტერ იუნაიტედთან“ პირველი შეხვედრის. 

თუ 10 დღეში განმეორებითი გამოკვლევა პრობლემას აღარ აღმოაჩენს, შემდგომ ზლატანს შეუდგენენ სარეაბილიტაციო პროგრამას, რომლის შემდეგაც გამოჯანმრთელების ზუსტი დრო დადგინდება.