რამდენად რეალურია კოუტინიოს ლივერპულში დაბრუნება?

"ბარსელონას" ნახევარმცველს, ფილიპე კოუტინიოს "ლივერპულში" დაბრუნება უნდა, იტყობინება ცნობილი ესპანური გამოცემა Mundo Deportivo.

გავრცელებული ინფორმაციით, "ბარსას" ხელმძღვანელობა ბრაზილიელის ყოფილ გუნდს გარიგებას შესთავაზებს, რომლის თანახმადაც ფეხბურთელი "ენფილდზე" დაბრუნდება, "ლურჯ-ბროწეულისფრებს" კი მის სანაცვლოდ დარჩენილი 50 მილიონი ევროს გადახდა აღარ მოუწევთ.

შეგახსენებთ, კოუტინიო "ბარსას" 2018 წლის იანვარში 135 მილიონად შეუერთდა. გასულ სეზონში მან ყველა ტურნირზე ერთად კატალონიური გრანდის მაისურით 14 მატჩი ჩაატარა, 3 გოლი გაიტანა და 2 შედეგიანი პასიც მიითვალა.

მოქმედი კონტრაქტის ვადა 29 წლის ნახევარმცველს "ბლაუგრანასთან" 2023 წლის ზაფხულში ეწურება, მისი სატრანსფერო ფასი კი ამჟამად 40 მილიონს შეადგენს.

რეალის შემდეგ, ბარსელონა ჩელსის მიადგა და თავის ფეხბურთელთან შეუთანხმებლობას ლონდონელებს აბრალებს

"კოუტინიო რომ არ გაგვეყიდა, ვან დეიკს და ალისონს ვერ გავიფორმებდით", - ენრიკე