რამოსმა შეიძლება ლა ლიგის უახლოესი ტურის მატჩი გამოტოვოს

"რეალის" მცველმა, სერხიო რამოსმა შეიძლება ლა ლიგის 21-ე ტურის ეგიდით "ლევანტესთან" გასამართი მატჩი გამოტოვოს, წერს Marca.

გავრცელებული ინფორმაციით, 34 წლის ესპანელი დღემდე არ დაბრუნებულა მუხლთან დაკავშირებული პრობლემის გამო.

14 იანვარს, მადრიდელთა კაპიტანი ესპანეთის სუპერთასის 1/2 ფინალში "ბილბაოსთან" (1:2) შეხვედრაში დაშავდა და მას შემდეგ არ უთამაშია.

"რეალი" - "ლევანტე" 30 იანვარს, თბილისის დროით 19:15 საათზე აიღებს სტარტს.