ავტორიზაცია
რამოსს სხვა კლუბი დაუკავშირდა და შესაძლოა პსჟ დატოვოს — ფრანგული მედია
"პარი სენ ჟერმენის" ცენტრალური მცველი, სერხიო რამოსი შესაძლოა MLS-ის კლუბში გადაბარგდეს, წერენ ფრანგულ მედიაში.
გავრცელებული ინფორმაციით, 35 წლის ესპანელისადმი ინტერესს "ლოს ანჯელეს გელექსი" იჩენს.
ამერიკული კლუბი რამოსის გარემოცვას უკვე დაუკავშირდა, ამ უკანასკნელს პარიზელებთან მოქმედი ხელშეკრულების ვადა 2023 წლის ზაფხულამდე აკავშირებს.
მოგეხსენებათ, სერხიო "პსჟ"-ში გასულ ზაფხულს "რეალიდან" უფასოდ გადავიდა.
ამ დროის განმავლობაში რამოსმა, რომელიც ბოლო პერიოდში ხშირად ტრავმიანობს, პარიზული გუნდის მაისურით მხოლოდ 5 მატჩში მიიღო მონაწილეობა და ერთი გოლი გაიტანა.
