ავტორიზაცია
რამსდეილი საუთჰემპტონს დატოვებს - საქმეში ორი კლუბია
პრემიერ ლიგის უდავოდ ყველაზე სუსტი გუნდი, საუთჰემპტონი რომელიც მომდევნო სეზონს ჩემპიონშიპში დაიწყებს, თავისი ლიდერების შენარჩუნება გაუჭირდება. ყველაზე დიდი ინტერესი “წმინდანების“ მეკარის აარონ რამსდეილის მიმართ არის, არსენალის ყოფილი მეკარე მიმდინარე სეზონში თავისი გუნდის გამორჩეული მოთამაშეა და მას პრემიერ ლიგაში დარჩენა ფაქტობრივად გარანტირებული აქვს.
რამსეილის მიმართ ინტერესს ვესტ ჰემი იჩენს, გრემ პოტერის სურვილია, რომ ახალ სეზონში ალფონს არეოლას ღირსეული კონკურენტი ჰყავდეს. თავად რამსდეილიც მზად არის ახალ კლუბში გადასასვლელად, ინგლისელი მეკარის სურვილია, რომ მომდევნო წლებში ინგლისის ნაკრების წევრი იყოს და ჯორდან პიკფორდს კონკურენცია გაუწიოს.
როგორც მოგეხსენებათ, მანჩესტერ იუნაიტედი გეგმავს ანდრე ონანას გასხვისებას, კამერუნელი მეკარე ვერანაირ კრიტიკას ვერ უძლებს და შეცდომას შეცდომაზე უშვებს, აქედან გამომდინარე მანჩესტერი სერიოზულად ინტერესდება რამსდეილით, თან აარონს გრანდში თამაშის გამოცდილება აქვს, გასული სეზონი მან არსენალში გაატარა.
საუთჰემპტონი თავის მეკარეს €25 მილიონად აფასებს, ფეხბურთელმა პრემიერ ლიგაში 24 შეხვედრა ჩაატარა და მხოლოდ ორჯერ შეინახა კარი მშრალად. ზაფხულის სატრანსფერო ფანჯრის მოახლოებასთან ერთად მოსალოდნელია სხვა კლუბების გააქტიურებაც.
