"რასისტები ლაჩრები არიან და მაისურების პირზე აფარება სჭირდებათ" — ვინისიუსი

მადრიდის რეალის შემტევმა, ვინისიუს ჟუნიორმა ბენფიკასთან მატჩში მომხდარ ინციდენტზე ისაუბრა და აღნიშნა, რომ რასისტები ლაჩრები არიან.

"რასისტები, უპირველეს ყოვლისა, ლაჩრები არიან. მათ მაისურების პირზე აფარება სჭირდებათ, რათა აჩვენონ, თუ რამდენად სუსტები არიან. მათ მხარესაა იმ ადამიანების მფარველობა, რომლებსაც, თეორიულად, დასჯის ვალდებულება აკისრიათ. ის, რაც აქ დღეს მოხდა, არც ჩემთვის ყოფილა სიახლე და არც ჩემი ოჯახისთვის."

"გოლის აღნიშვნის გამო ყვითელი ბარათი მივიღე და არ მესმის, რატომ. ეს მხოლოდ ცუდად შესრულებული პროტოკოლი იყო მსაჯის მიერ, რომელსაც არავითარი აზრი არ ჰქონდა. არ მიყვარს ასეთ თემებზე საუბარი, მით უმეტეს დიდი გამარჯვების შემდეგ, როდესაც მთავარი სათაურები რეალზე უნდა იწერებოდეს, მაგრამ ეს აუცილებელია" — ვინისიუსი.