ავტორიზაცია
რასმუს ჰოილუნის ტრანსფერზე იტალიური გრანდი მუშაობს
საფეხბურთო ტრანსფერების საგა გრძელდება — ამჯერად საქმეში იტალიური გრანდი მილანი ერთვება. "როსონერი" აქტიურად მუშაობს მანჩესტერ იუნაიტედის დანიელი ფორვარდის, რასმუს ჰოილუნის ტრანსფერზე.
იტალიურ მედიაში გავრცელებული ინფორმაციის თანახმად, მილანელებს ფეხბურთელის იჯარის წესით დამატება სურთ, შემდგომში გამოსყიდვის უფლებით. იჯარის საფასური დაახლოებით 6 მილიონი ევროა, ხოლო გამოსყიდვის უფლება 45 მილიონი ევრო იქნება.
ჰოილუნის დამატებით კიდევ რამდენიმე ევროპული და არაევროპული კლუბი არიან დაინტერესებული, რომლებიც ყურადღებით აკვირდებიან მოვლენების განვითარებას.
ყველაფერი, სავარაუდოდ, კვირის ბოლომდე გაირკვევა. შეგახსენებთ, რომ მილანმა მიმდინარე ზაფხულის სატრანსფერო ფანჯარაზე უკვე 7 ტრანსფერი განახორციელა და გუნდში დიდი ცვლილებები იგეგმება.
