რატომ არ აქტიურობს ლივერპული სატრანსფერო ბაზარზე?

მიმდინარე ზაფხულში ლივერპულს ლენი იოროსა და ენტონი გორდონს უკავშირებენ, თუმცა ფაქტია, რომ ინგლისური კლუბი სატრანსფერო ბაზარზე, ჯერჯერობით, არ აქტიურობს.

The Athletic-ის ინფორმაციით, ამას 3 მთავარი მიზეზი აქვს:

1. სანაკრებო ტურნირები: ახლა ბევრი ფეხბურთელი ევროსა და კოპა ამერიკაზეა ფოკუსირებული და არა ტრანსფერებზე;

2. შემადგენლობის სიღრმე: 2023 წლის ზაფხულისგან განსხვავებით, როცა გუნდი ჯეიმს მილნერმა, ფაბინიომ, ალექს ოქსლეიდ-ჩემბერლენმა და ჯორდან ჰენდერსონმა დატოვეს, რის გამოც კლუბს ტრანსფერების განხორციელება მოუწია, "წითლებს" ამჟამად ამ მხრივ უკეთესი მდგომარეობა აქვთ;

3. ახალი მწვრთნელის ფაქტორი: არნე სლოტს, ტრანსფერებზე გადაწყვეტილებების მიღებამდე, შემადგენლობის სრულად შეფასება სურს. ნიდერლანდელი სპეციალისტი იჯარიდან დაბრუნებულ ფეხბურთელებსა და აკადემიის პროდუქტებსაც განიხილავს.