ავტორიზაცია
რატომ არჩია არდა გიულერმა რეალ მადრიდი ბარსელონას?
გასული ზაფხულის სატრანსფერო ფანჯარაზე ბარსელონა ფენერბაჰჩედან არდა გიულერის შეძენასთან ახლოს იყო. კლუბის სპორტული დირექტორი, დეკუ თურქეთშიც იმყოფებოდა, რომ ფეხბურთელთან და მის ოჯახთან ესაუბრა.
მიუხედავად ამისა, მოგვიანებით ბრძოლაში რეალ მადრიდი ჩაერთო და თინეიჯერი ნახევარმცველის დარწმუნება შეძლო.
"მათ (რეალ მადრიდმა) გრძელვადიანი პროექტი შემომთავაზეს. მადრიდელებთან შეხვედრისთანავე დავრწმუნდი, რომ აქ უნდა გადმოვსულიყავი.
კლუბმა მითხრა, რომ ლუკა მოდრიჩის გვირგვინს გადმოვიბარებდი. ხორვატმა ჩემზე დიდი შთაბეჭდილება მოახდინა, რადგან ის გასაოცარი ფეხბურთელია.
როგორც კი რეალ მადრიდის წინადადება მოვისმინე, ვთქვი, რომ... ესაა, რაც მინდა," - განაცხადა თურქმა Kafa Sports-თან საუბრისას.
გიულერმა სადებიუტო ესპანურ სეზონში ბევრი ტრავმა მიიღო, მაგრამ ფორმა მაინც აღიდგინა. ახალგაზრდა მოთამაშემ ლა ლიგის 12 მატჩში 6 დარტყმიდან 6 გოლი გაიტანა.
