რატომ გააუქმა ატლეტიკომ მადრიდულ დერბიში მექსიკელი მომღერლის დაგეგმილი პერფორმანსი?

29 სექტემბერს, 23:00 საათზე, მეტროპოლიტანოზე მადრიდული დერბი შედგება - ატლეტიკო რეალ მადრიდის წინააღმდეგ.

დაგეგმილი იყო, რომ აღნიშნული მატჩის დაწყების წინ მექსიკელ მომღერალს, დანა პაოლას უნდა ემღერა, თუმცა, Relevo-ს ინფორმაციით, ატლეტიკომ ეს პერფორმანსი გააუქმა.

საქმე ისაა, რომ "როხიბლანკომ" ინტერვიუ აღმოაჩინა, რომელშიც პაოლა ამბობს, რომ რეალ მადრიდის ქომაგია. ამასთან, მან "ლოს ბლანკოსის" 2-1 მოგება იწინასწარმეტყველა და ამავე ინტერვიუში მადრიდული გრანდის ჰიმნი იმღერა.

შედეგად, დანა ხსენებული შეხვედრის პირველი ტაიმის შემდეგ ვეღარ იმღერებს.

⚽ Cómo va a gustar esto a los madridistas.

_____
Porra para el derbi:
Danna → 1-2 para el Madrid
Broncano → 3-2 para el Atleti#LaRevuelta @dannajustdanna pic.twitter.com/EjgdeJ1tze

— La Revuelta (@LaRevuelta_TVE) September 25, 2024