რატომ გამოტოვებს რეალთან გასამართ სუპერთასს აინტრახტის ლიდერი?

„აინტრახტის" ნახევარმცველი ფილიპ კოსსტიჩი გუნდს მადრიდის „რეალთან" გასამართ ევროპის სუპერთასის დაპირისპირებაში ვერ დაეხმარება.

როგორც გერმანული ფეხბურთის ჟურნალისტი, ფლორიან პლეტენბერგი იტყობინება, ფეხბურთელი ძალიან ახლოს არის „იუვენტუსში" გადასვლასთან, რის გამოც ფრანკფურტელებს უმნიშვნელოვანეს შევხედრაში გამოაკლდება.

„აინტრახტი" და „იუვენტუსი" ამ ეტაპზე მოლაპარაკებების დასკვნით სტადიაში იმყოფებიან და ტურინულ გუნდს სერბი ფეხბურთელის ტრანსფერი 17-18 მილიონი ევრო დაუჯდება.

ამ სეზონში კოსტიჩმა „აინტრახტის" 2 მატჩში მოასწრო მონაწილეობის მიღება და 1 საგოლე გადაცემა მიითვალა.

რაც შეეხება წინა საფეხბურთო კამპანიას, კოსტიჩმა გერმანული გუნდის მაისურით 42 მატჩში 7 გოლი და 15 საგოლე გადაცემა მიითვალა და ევროპა ლიგის მოგება მოახერხა, გზად „ბარსელონაც" დაამარცხა.

კარლო ანჩელოტიმ სუპერთასისთვის განაცხადი დაასახელა - აინტრახტს ლიდერი დააკლდება