ავტორიზაცია
"რეალ მადრიდი ლა ლიგას აზიანებს, ფლორენტინო პერესს ყურადღებასაც კი არ ვაქცევ" | ხავიერ ტებასი
ლა ლიგის პრეზიდენტმა, ხავიერ ტებასმა რეალ მადრიდი მკაცრად გააკრიტიკა იმის გამო, რომ ესპანიოლთან წაგების შემდეგ "ლოს ბლანკოსმა" მსაჯების მიმართ უკმაყოფილება გამოხატა და საჩივარიც კი შეიტანა.
"რეალ მადრიდი ჩემპიონატს ვნებს. მათ მსხვერპლის ნარატივი შექმნეს, რაც აბსურდია. ისინი გადაჭარბებულად და არაშესაფერისად იქცევიან. როგორც ჩანს, ჭკუა დაკარგეს.
ვაპირებთ, რომ რეალ მადრიდს ამ წერილის გამო ვუჩივლოთ, რადგან ეს დაუშვებელია. ფლორენტინო პერესს სურს, ყოველთვის მართალი იყოს და მის ოფისთან დავიჩოქოთ.
არ ვარ ვალდებული, პერესთან ვისაუბრო. ბოლოს მან მითხრა, რომ არ ვუსმენდი, სიმართლე კი ისაა, რომ ყველაფერი მესმის, უბრალოდ ყურადღებას არ ვაქცევ.
ბარსელონაზე ნეგრეისას საქმის გამო გამოძიება მიმდინარეობს, მაგრამ არანაირი მტკიცებულება არ არსებობს, რომ ისინი მსაჯებს ან ვინმეს უხდიდნენ," - განაცხადა ტებასმა.
რეალ მადრიდმა გასვლაზე ესპანიოლთან 0-1 წააგო. ამ მატჩში მადრიდულ კლუბს მსაჯობაზე პრეტენზიები გაუჩნდა, რის გამოც ფეხბურთის ფედერაციასა და მთელ სამსაჯო სისტემას უკმაყოფილების წერილი გაუგზავნა.
