რეალ სოსიედადი შეეგუა, რომ მიკელ მერინო წავა

Mirror-ის ინფორმაციით, რეალ სოსიედადი შეეგუა, რომ მიკელ მერინო გუნდს დატოვებს - ბასკური კლუბი 28 წლის ფეხბურთელს ახალ კონტრაქტზე ვერ შეუთანხმდა.

ესპანელს ნახევარმცველს "თეთრ-ლურჯებთან" ამჟამინდელი ხელშეკრულება 2025 წელს ეწურება და იანვარში უფლება ექნება, სხვა კლუბებთან მოლაპარაკებები აწარმოოს.

მერინოს შეძენით ბარსელონა, ატლეტიკო და არსენალი ინტერესდებიან. სოსიედადი იმედოვნებს, რომ მიკელის სანაცვლოდ მინიმუმ £25 მილიონს მიიღებს.