რეალი ემერიკ ლაპორტითა და მატს ჰუმელსით ინტერესდება
![რეალი ემერიკ ლაპორტითა და მატს ჰუმელსით ინტერესდება](http://storage.goal.ge/uploads/posts/YAWm7OZrdWvIh50RcF5VrHxpDhLrpYiI.jpg)
ლენი იოროს დაკარგვის ფონზე, რეალი ახალი მცველის ძებნაზე გადაერთო და სატრანსფერო სიაში ორი კანდიდატი ჰყავს.
The Athletic-ის ინფორმაციით, მადრიდული გრანდი ალ ნასრის მოთამაშით, ემერიკ ლაპორტით ინტერესდება, მაგრამ, ფინანსური საკითხების გამო, ამ ტრანსფერის განხორციელება რთული იქნება. La Gazzetta კი იტყობინება, რომ რეალი მატს ჰუმელსის სიტუაციასაც აკვირდება, რომელიც ამჟამად თავისუფალი აგენტია.
ჯერჯერობით, არ ვიცით, "ლოს ბლანკოსი" რომელ ფეხბურთელს დაიმატებს, თუმცა, სავარაუდოდ, სატრანსფერო ფანჯრის დახურვამდე მადრიდელები ერთ უკანახაზელს მაინც გაიფორმებენ.
რაც შეეხება იოროს: ფრანგი ფეხბურთელი, რეალის ინტერესის მიუხედავად, საბოლოოდ, მანჩესტერ იუნაიტედს შეუერთდა, რომელმაც მის სანაცვლოს ლილს ბევრად მეტი გადაუხადა, ვიდრე მადრიდელები იმეტებდნენ.