რეალი სეზონს ერთ-ერთი ლიდერის გარეშე დაიწყებს

რეალ მადრიდმა, ახალი სეზონი შესაძლოა გუნდის ერთ-ერთი ლიდერის გარეშე დაიწყოს.

სამეფო კლუბი მსოფლიო საკლუბო ჩემპიონატის შემდეგ გეგმავს, რომ ჯუდ ბელინგემს მხრის ოპერაცია გაუკეთოს.

ინგლისელ ნახევარმცველს სარეაბილიტაციოთ დაახლოებით 12 კვირა დასჭირდება და შესაძლოა 2025/2026 წლის ლა ლიგის სეზონის პირველი, რამდენიმე თამაშის გამოტოვება მოუწიოს.

ბელინგემი რეალის ღირსებას 2023 წლიდან იცავს, მან ამ დროის განმავლობაში 94 მატჩში, 37 გოლის გატანა და  27 საგოლე გადაცემის გაკეთება შეძლო.