ავტორიზაცია
რეალიდან წასვლის შემდეგ, მარსელოს მსურველთა რიგი დაუდგა
"რეალის" აწ უკვე ყოფილმა მარცხენა მცველმა, მარსელომ კარიერა შესაძლოა თურქეთის ჩემპიონატში გააგრძელოს.
როგორც ავტორიტეტული გამოცემა Goal.com-ი იტყობინება, ბრაზილიელით "ფენერბაჰჩე" ინტერესდება. სტამბულელები 34 წლის ფეხბურთელს წინადადებით უახლოეს დღეებში მიმართავენ.
თავად მარსელოს ჩემპიონთა ლიგაზე თამაში უნდა და მზადაა თურქეთში გადასვლის ვარიანტი განიხილოს. წლიური ხელფასის სახით მას 6 მილიონი ევროს გამომუშავება სურს.
გარდა ამისა, გამოცდილი სამხრეთამერიკელისადმი ინტერესს "მარსელი", ყატარული და ბრაზილიური კლუბები იჩენენ. ფეხბურთელის პრიორიტეტი ევროპაში დარჩენაა.
მოგეხსენებათ, მარსელო "რეალში" 2007 წლიდან ირიცხებოდა და ამ ზაფხულს მადრიდი თავისუფალი აგენტის სტატუსით დატოვა.
