ავტორიზაცია

რეალის კაპიტანთა ახალი ოთხეული ჰყავს

რეალის კაპიტანთა ახალი ოთხეული ჰყავს
თარიღი 05 ივნ 2023, 23:06
მას შემდეგ რაც გაირკვა, რომ ნაჩო ფერნანდესი მადრიდის „რეალში“ რჩება, „სამეფო კლუბში“ კაპიტანთა ოთხეული დაკომპლექტდა.

მესამე სეზონია, „რეალი“ ძირითად კაპიტანს იცვლის, 2021-ში სერხიო რამოსი წავიდა, 2022-ში მარსელო, 2023-ში კი კარიმ ბენზემა. რაც იმას ნიშნავს, რომ ახალ სეზონში „რეალის“ პირველი კაპიტანი ნაჩო ფერნანდესი იქნება.

თუმცა, ნაჩო „რეალის“ ძირითადი შემადგენლობის უცვლელი წევრი არასდროს ყოფილა, შესაბამისად, ახალ სეზონშიც, ხშირად ფეხბურთელების მოედანზე სამკლაურით გაყვანა ვიცე-კაპიტნებს მოუწევთ.

ახალ სეზონში, „რეალის“ კაპიტანთა ოთხეული ასეთი იქნება:

1. ნაჩო ფერნანდესი 2. ლუკა მოდრიჩი 3. დანი კარვახალი 4. ტონი კროოსი..

შეგახსენებთ, რომ „რეალში“ გუნდის კაპიტნის შერჩევის ტრადიციული გზაა შენარჩუნებული - ვინც უფრო დიდხანს იმყოფება გუნდში, სამკლაურსაც ის ირგებს.

მოდრიჩი და ნაჩო „რეალში“ მე-12 სეზონს დაიწყებენ, თუმცა ესპანელი კანტერანოა, ყველა ასაკობრივი გუნდი აქვს გამოვლილი და საერთო ჯამში, „მერენგებში“ 23-ე სეზონს დაიწყებს.