რეალის პრობლემები გრძელდება - მადარიდელებმა მორიგი მნიშვნელოვანი ფეხბურთელი დაკარგეს

„ლას პალმასთან“ შეხვედრაში მადრიდის „რეალმა“ მორიგი მნიშვნელოვანი ფეხბურთელი დაკარგა.

პირველი ტაიმის მიწურულს თამაშის გაგრძელება ვერ მოახერხა და შესაცვლელი გახდა დავიდ ალაბა, რომლის ნაცვლადაც მოედანზე ლუკას ვასკესი გამოჩნდა.

ესპანური პრესის პირველადი ინფორმაციით, ავსტრიელმა ფეხბურთელმა ბარძაყის კუნთი დაიზიანა და უახლოეს დღეებში ტესტები ჩაუტარდება.

განსაკუთრებით მნიშვნელოვანია ეს დანაკარგი იმის ფონზე, რომ სეზონის სტარტზე მყესები ედერ მილიტაომ გაიწყვიტა, რის გამოც ეს სეზონი პრაქტიკულად სრულად უცდება.