რეალის სახელი ევრო 2020-ის ერთ-ერთ მთავარ აღმოჩენას დაუკავშირეს

თარიღი: 15 ივლ 2021, 14:53

კილიან მბაპესა და მოჰამედ სალაჰის შემდეგ, მადრიდის "რეალის" სახელი კიდევ ერთ შემტევს დაუკავშირეს, წერს Le Soir Sports-ი.

საუბარია ახალგაზრდა ჟერემი დოკუს შესახებ, რომელიც განვლილი ევროპის ჩემპიონატის ერთ-ერთი მთავარი აღმოჩენა გახდა.

ბელგიელი ვინგერი თამაშობს "რენში", მისი კონტრაქტი გათვლილია 2025 წლამდე, Transfermarkt კი მას 22 მილიონ ევროდ აფასებს.

ცხადია, შესაძლო ტრანსფერის შემთხვევაში, "შავ-წითლები" თავიანთი გარემარბის სანაცვლოდ გაცილებით დიდ თანხას მოითხოვენ.

"სამეფო კლუბის" გარდა, ევრო 2020-ის დასრულების შემდეგ, 19-წლის ფლანგელის სახელი მიუნხენის "ბაიერნსაც" დაუკავშირეს.

ყველა სიახლე