რეალის ულტიმატუმი ლენი იოროს

ფაბრიციო რომანოს ინფორმაციით, რეალმა ლენი იოროს შეატყობინა, რომ ტრანსფერს მხოლოდ საკუთარი პირობებით განახორციელებს.

მადრიდული კლუბიდან ფრანგ მცველს უთხრეს, რომ თუ მას რეალის ფეხბურთელობა სურს, "ლოს ბლანკოსის" სტრატეგია და დედლაინი უნდა გაითვალისწინოს. წინააღმდეგ შემთხვევაში, იოროს შეუძლია, სადაც უნდა, იქ წავიდეს.

თავდაპირველად გავრცელებული ცნობებით, ლენის ოცნება რეალში გადასვლაა, თუმცა, ამ დროისთვის, მხოლოდ მანჩესტერ იუნაიტედის შეთავაზებაა მიღებული და უცნობია, მადრიდელები ჩარევას აპირებენ თუ არა.

გეგმა, შესაძლოა, ფეხბურთელისთვის 2025 წლამდე მოცდის თხოვნა და მისი თავისუფალი აგენტის სტატუსით დამატება იყოს.