რეალმა იცოდა, რომ ვინისიუსი ოქროს ბურთს ვერ მოიგებდა

Cadena SER-ის ინფორმაციით, მადრიდის რეალში იცოდნენ, რომ ვინისიუსი ოქროს ბურთს ვერ მოიგებდა, მაგრამ ელ კლასიკომდე ეს არ უთხრეს, რადგან ბარსელონას წინააღმდეგ მშვიდად ეთამაშა.

ოქროს ბურთის დაჯილდოების ცერემონიამდე, ბრაზილიელი ფეხბურთელის გარემოცვა რეალს დაუკავშირდა, რათა დარწმუნებულიყვნენ, რომ ვინი აღნიშნულ ჯილდოს მოიგებდა, მაგრამ კლუბიდან შეატყობინეს, რომ ჟუნიორი მისი გამარჯვებული არ გახდებოდა.

ამის შემდეგ, მხარეებმა გადაწყვიტეს, რომ გეგმები შეეცვალათ და პარიზში აღარ გამგზავრებულიყვნენ. 

აღსანიშნავია, რომ რეალმა ელ კლასიკოშიც წააგო და ბარსელონასთან 0-4 განადგურდა.