რეალმა ლა ლიგის ლიდერობა მინიმუმ ხვალამდე დაიბრუნა, ბარსელონა პოტენციურად მეოთხე გახდა

მადრიდის „რეალმა“ ლა ლიგის მე-14 ტურში „კადისი“ 3:0 გაანადგურა და ცხრილის სათავეში დაბრუნდა.

კარლოს ანჩელოტის გუნდმა 35 ქულა დააგროვა და „ჟირონა“ ერთი ქულით ჩამოიტოვა, რომელიც თავის მატჩს ხვალ, ბილბაოს „ატლეტიკის“ წინააღმდეგ გამართავს.

მესამე პოზიციას „ატლეტიკო“ და „ბარსელონა“ იყოფენ, რომლებსაც 31-31 ქულა აქვთ, თუმცა მადრიდელებს ერთი მატჩით ნაკლები აქვთ ჩატარებული.

ხვალ „ბილბაოს“ დამარცხების შემთხვევაში, „ჟირონა“ ლა ლიგის სათავეში კვლავ დაბრუნდება.