რეალზე შურისძიების სურვილი - პარი სენ-ჟერმენი ვინისიუსის გადაბირებას აპირებს

რეალი ბრაზილიელს საკუთარი პროექტის უმნიშვნელოვანეს ნაწილად მიიჩნევს და მასთან კონტრაქტის გახანგრძლივებაზე მოლაპარაკებები უკვე დაიწყო, თუმცა ფეხბურთელი ახალი ხელშეკრულების გაფორმებას არ ჩქარობს. ვინი ხელფასის გასაზრდელად სწორ მომენტს ელოდება.

ამავდროულად, პარი სენ-ჟერმენს კილიან მბაპეს ტრანსფერის გამო რეალზე შურისძიება და მათთვის ვინისიუსის წართმევა სურს.

წყაროს ცნობით, პსჟ ერთადერთი კლუბი არაა, რომელიც ვინისიუსით ინტერესდება - ბრაზილიელი მანჩესტერ იუნაიტედის, ჩელსისა და ალ ნასრის რადარზეცაა.