რიკარდო კალაფიორი ჩელსი და არსენალის რადარზეცაა

იტალია ევროპის ჩემპიონატს გამოეთიშა, მაგრამ რიკარდო კალაფიორი პერფორმანსი არავის გამორჩენია. მისი ტრანსფერით არაერთი გუნდი ინტერესდება.

ფაბრიციო რომანოს ინფორმაციით, მათ შორის არიან ჩელსი და არსენალიც, რომლებიც ფეხბურთელის სიტუაციას აკვირდებიან.

აღსანიშნავია, რომ 2022 წელს კალაფიორიმ პრემიერ ლიგაში თამაშის სურვილი გამოთქვა, რამაც, შესაძლოა, ჩელსისა და არსენალს ხელი შეუწყოს.

"პრემიერ ლიგაში თამაში ჩემი ოცნებაა. ვესტ ჰემი და ჩელსი მომწონს," - ამბობდა რიკარდო 2 წლის წინ.

ჯერჯერობით, ლონდონურ კლუბებს კალაფიორის თაობაზე მოლაპარაკებები არ დაუწყიათ. სატრანსფერო ბრძოლაში ტურინის იუვენტუსიც აქტიურადაა ჩართული.

ბოლონიას ტექნიკურმა დირექტორმა, ჯოვანი სარტორიმ დაადასტურა, რომ იტალიელი მცველის წასვლა თითქმის გადაწყვეტილია: "ვადასტურებ, რომ კალაფიორის თაობაზე შეთავაზებებს განვიხილავთ. მისი შენარჩუნება იდეალური იქნებოდა, მაგრამ რეალისტები უნდა ვიყოთ. ვფიქრობ, რიკარდო იუვენტუსში არ გადავა. უცხოური კლუბებისგან წინადადებებს ველით."