რიკელმე ცდილობს კავანი ბოკა ხუნიორსში გადასვლაში დაარწმუნოს

"მანჩესტერ იუნაიტედის" ფორვარდმა, ედინსონ კავანიმ კარიერა შესაძლოა "ბოკა ხუნიორსში" გააგრძელოს, იტყობინება ჟურნალისტი, ნიკოლო სკირა.

გავრცელებული ინფორმაციით, არგენტინული კლუბი 34 წლის ურუგვაელის დამატებას ზაფხულში უფასოდ გეგმავს.

მოლაპარაკებებში მონაწილეობას "ბოკასა" და არგენტინის ნაკრების ექს-ფეხბურთელი, ხუან რიკელმე იღებს, რომელიც ცდილობს ფორვარდი ტრანსფერზე დაარწმუნოს.

კავანი "მანჩესტერ იუნაიტედში" 2020 წლის ოქტომბერში თავისუფალი აგენტის სტატუსით გადავიდა. მის აქტივში "ეშმაკუნების" რიგებში ჩატარებულ 25 მატჩში გატანილი 7 გოლი და გაკეთებული 2 შედეგიანი პასია.

მოქმედი ხელშეკრულების ვადა ედინსონს მანიკუნიანელებთან 2021 წლის ივნისის ბოლოს ეწურება.