როდის დაუბრუნდება რონალდ არაუხო ბარსელონას?

ურუგვაელი მალიორკასთან დღეს გასამართი მატჩის განაცხადში არ არის, მაგრამ, როგორც წყარო იტყობინება, ის, დიდი ალბათობით, მომდევნო ტურში ბეტისის წინააღმდეგ ჩასატარებელი შეხვედრისთვის მზად იქნება (7 დეკემბერს). თუ არაუხო ამ მატჩს სრულ მზადყოფნაში ვერ შეხვდება, მაშინ ჩემპიონთა ლიგაზე დორტმუნდთან თამაშს შეძლებს (12 დეკემბერს).

რონალდმა ტრავმა 2024 წლის კოპა ამერიკაზე მიიღო და ჰანსი ფლიკის ხელში ჯერ არ უთამაშია. არაუხოს სასტარტო შემადგენლობისთვის ბრძოლა მოუწევს, რადგან, მის არყოფნაში, პაუ კუბარსიმ და ინიგო მარტინესმა ძირითად თერთმეტეულში ადგილი მოიპოვეს.