როდის გავიგებთ, რომელ პოზიციას დაიკავებს ხვიჩა კვარაცხელია ოქროს ბურთისთვის ბრძოლაში?

როგორც იცით, დღეს ხვიჩა კვარაცხელია ფრანგული „ფრანც ფუტბოლის“ ჯილდოს, „ოქროს ბურთის“ 30 პრეტენდენტს შორის აღმოჩნდა.

ჩნდება კითხვა, როდის გავიგებთ, რომელ ადგილს დაიკავებს ქართველი ვარსკვლავი ფეხბურთში ყველაზე პრესტიჟული ინდივიდუალური პრიზისთვის ბრძოლაში?

ოქროს ბურთის გამარჯვებული 30 ოქტომბერს, პარიზში, გალა-დაჯილდოვებაზე გამოვლინდება.

იმავე დღეს გაირკვევა 30-ვე ფეხბურთელის პოზიცია. „ფრანც ფუტბოლი“ თავის გვერდზე თანმიმედვრობით ყველა პოზიციაზე გასულ ფეხბურთელს გამოაქვეყნებს 30-დან ქვევით და ასე ჩავა ოქროს ბურთის 2023 წლის გამარჯვებულამდეც.

შესაბამისად, რომელ ადგილს დაიკავებს კვარა ოქროს ბურთისთვის ბრძოლაში და შევა თუ არა ათეულში, ამას მხოლოდ 30 ოქტომბერს გავიგებთ.