როდრი: "რთულ ჯგუფში ვართ და ხვალ ერთ-ერთი ურთულესი დაპირისპირება გველის"

ესპანეთის ნაკრების ერთ-ერთმა ლიდერმა, როდრიმ, საქართველოსთან მოახლოვებულ შეხვედრაზე ისაუბრა.

„მიუხედავად იმისა, რომ საქართველოს ნაკრებს ტიტულები არ აქვს, ეს პერსპექტიული გუნდია, რაც ბოლო წლებში დამტკიცდა. დარწმუნებული ვარ, რომ ჯგუფის ერთ-ერთი ურთულესი დაპირისპირება სწორედ ხვალ გველის, მნიშვნელოვანი შეხვედრა იქნება.

ესპანეთის ნაკრები გადახალისდა, ბევრი ახალგაზრდა გვყავს, რომლებიც გამოცდილ ფეხბურთელებთან კარგად შეთამაშდნენ. ამ შემადგენლობით, ახლახანს ერთა ლიგა მოვიგეთ. თბილისში გვინდა, ეს დონე და მსგავსი ფეხბურთი კიდევ ერთხელ ვაჩვენოთ.

ვიცით, რომ ძალიან რთულ შესარჩევ ჯგუფში მოვხვდით, ხვალ მოგება ბევრ რამეზე იქნება დამოკიდებული. დე ლა ფუენტეს ხელმძღვანელობით, ნაკრებმა წინ დიდი ნაბიჯი გადადგა.“, - ციტირებს როდრის სიტყვებს პირველი არხის ოფიციალური ვებ-გვერდი.