ავტორიზაცია
როდრიგო დე პოლი: კოლუმბიელების მესმის - ისინი კოპა ამერიკით "აღფრთოვანებულნი" იყვნენ
დღეს, გამთენიისას, მსოფლიო ჩემპიონატის საკვალიფიკაციო ეტაპის მე-8 ტურში ერთმანეთს კოლუმბია და არგენტინა დაუპირისპირდნენ.
კოლუმბიელმა ფანებმა აღნიშნული მატჩის დაწყების წინ, რომელიც მათმა გუნდმა 2-1 მოიგო, არგენტინელთა სახელმწიფო ჰიმნს უსტვინეს და ობსტრუქცია შეხვედრის მიმდინარეობის დროსაც გააგრძელეს.
აღნიშნულზე როდრიგო დე პოლმა ისაუბრა:
"კოლუმბიელთა მხრიდან ჩვენი ჰიმნის შეურაცხყოფა მიუღებელია, მაგრამ მათი ტკივილი მესმის - ისინი კოპა ამერიკით "აღფრთოვანებულნი" იყვნენ.
ამდენი მოგებით სამხრეთ ამერიკაში სხვა გუნდებს თავი უჩვეულოდ ვაგრძნობინეთ, რაც არგენტინის სტატუსს ამაღლებს. წაგებას ვიღებთ და წინსვლას ვაგრძელებთ.
ნორმალურია, რომ ყველა ცდილობს, საკუთარი უპირატესობა მოიპოვოს. ისინი მსოფლიოს საუკეთესო ნაკრების წინააღმდეგ თამაშობენ. ზოგჯერ ჩვენ ვიგებთ, როგორც კოლუმბიასთან კოპა ამერიკის ფინალში, ზოგჯერ კი ვაგებთ," - განაცხადა დე პოლმა.
არგენტინამ კოლუმბია კოპა ამერიკის ფინალში 15 ივლისს, ლაუტარო მარტინესის მიერ დამატებით ტაიმებში გატანილი გოლით დაამარცხა. გუშინ კი კოლუმბიამ იმარჯვა - "ალბისელესტე" ნიკო გონსალესმა დააწინაურა, მაგრამ იერსონ მოსკერასა და ხამეს როდრიგესის გოლებით ნესტორ ლორენცოს შეგირდებმა მატჩი შემოატრიალეს.
