როგორ დაეხმარნენ მშობლები იან მაატსენს ნაკრებში გამოძახების შემდეგ
![როგორ დაეხმარნენ მშობლები იან მაატსენს ნაკრებში გამოძახების შემდეგ](http://storage.goal.ge/uploads/posts/sYPkaOqRwIxnOUvhHw586BfNDVazFY0p.jpg)
მას შემდეგ, რაც გაიკრვა, რომ ფრენკი დე იონგი ტრავმის გამო ევროპის ჩემპიონატს გამოტოვებს, რონალდ კუმანმა ნიდერლანდების ნაკრებში განაცხადში ის იან მაატსენით შეცვალა.
The Times-ის ინფორმაციით, დორტმუნდის ფეხბურთელი საბერძნეთში ისვენებდა, როცა ნაკრებში გამოძახების ამბავი გაიგო. მას სწრაფად უნდა ემოქმედა, რომ გუნდში დარეგისტრირებულიყო, რის გამოც მშობლების დახმარება დასჭირდა: მისმა მშობლებმა - ედვარდმა და ვენდიმ ვლარდინგენიდან დორტმუნდამდე გზა რამდენიმე საათში დაფარეს, ნიდერლანდების ნაკრების შეკრებაზე იანის ბუცები და სხვა ნივთები მიიტანეს, შემდეგ კი აეროპორტში საკუთარ შვილს შეხვდნენ, სანამ ის ვოლფსბურგში გაემგზავრებოდა.
გავრცელებული ცნობით, მაატსენი იმედგაცრუებული იყო, რომ თავდაპირველად ნიდერლანდების ნაკრების განაცხადში არ შეიყვანეს, მაგრამ მას გაუმართლა და ევრო 2024-ზე მაინც ითამაშებს.
22 წლის ფეხბურთელმა გასული სეზონი ჩელსიდან იჯარით ბორუსია დორტმუნდში გაატარა. მოსალოდნელია, რომ ის გერმანიაში დარჩება, მაგრამ ბორუსია ინგლისურ კლუბს სატრანსფერო თანხაზე ჯერ ვერ უთანხმდება.