როგორ გახდა არშემდგარი ჰოკეისტი Mr.Zero ?

ლონდონურ გუნდში პირველივე სეზონში საოცარი შედეგი დააფიქსირა. 35 თამაში ჩეხმა 13 გოლი გაუშვა და 24 ჯერ შეინახა კარი მშრალად. რაც დღემდე პრემირ ლიგის ხელშეუხებელი რეკორდია. 9 თამაში (1025 წუთი)  გოლს არ უშვებდა რაც ასევე რეკორდული მაჩვენებელია და ქომაგებმა მას ზედმეტსახელიც მოუფიქრეს ''Mr.Zero''. გუნდმა პრემიერ ლიგა მოიგო და ჩემპინთა ლიგის ნახევარ ფინალში დამარცხდა. ჩელსის კიპერმა რა თქმა უნდა ოქროს ხელთათმანი მოიგო და ევროპის წლის საუკეთესო მეკარედ დასახელდა. მეორე სეზონიც სუპერ წარმატებული გამოდგა გუნდმა ისევ პრემიერ ლიგა იზეიმა და ჩეხი ისევ შეუდარებელი იყო. ჟოზე მოურინიომ აღნიშნა, რომ ჩეხს აქვს გამორჩეული უნარი, ის მუდამ კონცენტრირებულია მთელი მატჩის მანძლიზე, მისი იმედი შეიძლება გქონდეს თუ 90 წუთში კარისკენ ბურთი მხოლოდ ერთხელ წავა, ჩეხი მზად იქნება მის ასაღებად. 

2006 წლის 14 ოქტომბერს პრემიერ ლიგის 8 ტურში ჩელსი გასვლაზე რედინგთან მადესკი სტედიუმზე თამაშობდა. მატჩის სტარტიდან 28 წამი იყო გასული სტეფან ჰანტსა და პეტერ ჩეხს შორის შეჯახება მოხდა, ირლანდიელმა ფეხბურთელმა მომენტის ბოლომდე დასრულება მოინდომა, ჩეხმაც არაფერი დათმო. ამის გამო ჩელსის კიპერმა თავში უძლიერესი დარტყმა მიიღო და ამავრდოულად მინდორსაც დაარტყა თავი. ჩელსის მეკარე საავადმყოფოში გადაიყვანეს, ეს მომენტი საკმაოდ გაიწელა და პრემირ ლიგაში ამ დღის მერე დაინერგა წესი, რომ ყველა შეხვედრაში სასწრაფოს მანქანა მოედანზე უნდა იყოს. საავადმყოფოში ჩეხს სწრაფად დაუსვეს დიაგნოზი. თავის ქალის უმძიმესი დაზიანება, მსგავსი ტრამვები ძირითადად ავტოავარიის დროს ხდება. დიდი შანსი იყო, რომ პეტერ ჩეხი ვერ გადარჩენილიყო. ჩელსის კიპერის თქმით. ბოლო რაც მას ახსოვს იყო წინა ღამე შემდეგ კი მან საავადმყოფოში გაიღვიძა, რამოდენიმე დღე გაფანტული მეხსიერება ჰქონდა, მაგრამ ყველაფერი ეტაპობრივად აღუდგა. 

ექიმების ვარაუდით მინიმუმ 1 წელი ჩელსი ძირითადი მეკარის გარეშე უნდა ყოფილიყო, მაგრამ ჩეხს სხვა გეგმა ჰქონდა 3 ურთულესი თვის მერე, რა პერიოდშიც მას მუდმივი თავის ტკივილები აწუხებდა. პეტერ ჩეხი მოედანს დაუბრუნდა, როგორც მან აღნიშნა ''ენფილდზე'' სულ სხვა მეკარე დაბრუნდა, დამცავი ჩაფხუტით, რომელიც წლების მანძილზე მისი სავიზიტო ბარათი გახდა.