როგორი შეფასება მიიღო კვარაცხელიამ დღევანდელ შეხვედრაში?

იტალიის სერია A-ს 25-ე ტურში "ნაპოლი" საკუთარ მოედანზე "ჯენუას" დაუპირისპირდა და ფრედ 1:1 ითამაშა.

პირველი ტაიმი უგოლოდ დასრულდა. სტუმრები 47-ე წუთზე ფრენდრუპმა დააწინაურა, რასაც 90-ე წუთზე ნგონგეს გოლი მოჰყვა (1:1).

სასტარტო შემადგენლობაში იყო და სრულად ითამაშა ხვიჩა კვარაცხელიამ, რომელიც აქტიური იყო და რვა წარმატებული დრიბლინგი განახორციელა. ასევე აღსანიშნავია, რომ ქართველმა შემტევმა პირველი ტაიმის მიწურულს ყვითელი ბარათი მიიღო.

კვარამ Sofascore-სგან 8.2 შეფასება მიიღო, რაც ორივე გუნდის შემადგენლობაში საუკეთესო გახლავთ.