ავტორიზაცია
რომამ დანიელე დე როსის შემცვლელს მიაგნო - მხარეები საბოლოო დეტალებს აგვარებენ
დღეს რომამ დანიელე დე როსი მთავარი მწვრთნელის თანამდებობიდან გაათავისუფლა, თუმცა კლუბმა მისი შემცვლელი უკვე იპოვა.
ფაბრიციო რომანოს ინფორმაციით, "ჯალოროსის" ხელმძღვანელობამ ივან იურიჩთან შეთანხმებას მიაღწია - მხარეები საბოლოო დეტალებს აგვარებენ. ისინი 1-წლიან კონტარქტს გააფორმებენ და იმ შემთხვევაში, თუ გუნდი ჩემპიონთა ლიგაზე გავა, ხელშეკრულების 2026 წლამდე გახანგრძლივების ოფციაც ექნებათ.
რომას ახალგაზრდა ფეხბურთელების განვითარებისთვის, რაც კლუბის პროექტის ყველაზე მნიშვნელოვანი ნაწილია, ჯან პიერო გასპერინის სტილის სპეციალისტის დანიშვნა სურდა.
იურიჩი ხორვატი მწვრთნელია, რომელსაც კარიერის განმავლობაში ინტერში (ასისტენტად), პალერმოში (ასისტენტად), მანტოვაში, კროტონეში, ჯენოაში, ვერონასა და ტორინოში უმუშავია.
