რომას სეზონის ბოლოს ჩელსიდან ლუკაკუს 40 მილიონ ევროდ ყიდვა შეუძლია

იტალიურმა "რომამ" შესაძლოა სეზონის ბოლოს ლონდონის "ჩელსიდან" თავდამსხმელი რომელუ ლუკაკუ იყიდოს.

ჟურნალისტ ფაბრიციო რომანოს ინფორმაციით, წინასწარ შეთანხმებული გამოსყიდვის თანხა 40 მილიონი ევრო უნდა იყოს, თუ "რომა" გადაწყვეტს ბელგიელის ტრანსფერის გამოსყიდვას.

შეგახსენებთ, რომ ლუკაკუმ "ჯალოროსის" შემადგენლობაში სეზონი ბრწყინვალედ დაიწყო.

ჟოზე მოურინიოს გუნდის რიგებში ყველა ტურნირზე ჩატარებულ 10 მატჩში თავდამსხმელმა 8 გოლი გაიტანა.