რომელუ ლუკაკუ შესაძლოა პრემიერ ლიგის გუნდში გადავიდეს

რომელუ ლუკაკუს „იუვენტუსთან“ აქვს პირადი კონტარქტი შეთანხმებული, თუმცა დუშან ვლაჰოვიჩის გაყიდვას ელოდება და ტრანსფერი გვიანდება.

„ინტერი“ ლუკაკუს ტრანსფერის მოლაპარაკებებიდან მას შემდეგ გავიდა, რაც შეიტყო, რომ ფეხბურთელი „იუვენტუსთანაც“ იყო კონტაქტში.

ამავდროულად, ბელგიელი მაურისიო პოჩეტინოს გეგმებში არ შედის და ახალი სეზონის წინ, მას ოფიციალური ნომერიც კი არ მისცეს.

ჟურნალისტის ალფრედო პედულას ინფორმაციით, ლუკაკუს ტრანსფერზე მუშაობა ლონდონის „ტოტენჰემმა“ დაიწყო, რომელსაც ბელგიელით „ბაიერნში“ წასული ჰარი კეინის ჩანაცვლება სურს.