"რონალდუ უდიდესი ბომბარდირია, მაგრამ ნაკლები ჯადოქრობით", - მალდინიმ ორი საუკეთესო ფეხბურთელი დაასახელა, ვის წინააღმდეგაც უთამაშია"

პაოლო მალდინიმ დაასახელა ორი ფეხბურთელი, რომლის წინააღმდეგ თამაშიც ყველაზე მეტად გაუჭირდა.

„რა მოგონებები მაქვს დიეგო მარადონაზე? ის და რონალდო - უძლიერესები არიან. მესის წინააღმდეგ, მადლობა ღმერთს, არ მითამაშია.

კრიშტიანუ რონალდუ - უდიდესი ბომბარდირია, მაგრამ მის თამაშში ნაკლები ჯადოქრობა იყო, ვიდრე რონალდოს და მარადონასი.

მე სწრაფი და ფიზიკურად ძლიერი ვიყავი, მაგრამ ისინი - კიდევ უფრო სწრაფები. დიეგო ძალიან კარგი ადამიანი იყო. როცა ის დიდების დარბაზში შეიყვანეს, შემრცხვა, რომ ასე ხშირად ვურტყამდი და ამიტომ, ბოდიში მოვუხადე.“, - აღნიშნა მალდინიმ ერთ-ერთ პოდკასტში.